ABŞ Prezidenti Donald Tramp ABŞ Milli Aeronavtika və Kosmik Tədqiqatlar İdarəsinin (NASA) onlarla proqramını dayandırmağı planlaşdırır.
Oxu.Az xəbər verir ki, bu barədə "Bloomberg" məlumat verib.
Qeyd olunur ki, Ağ Ev NASA-nın elm xərclərini təxminən 50% azaldaraq, 3.9 milyard dollara endirməyi təklif edir.
Nəşrin müəllifləri vurğulayırlar ki, bu siyasət xərclərin ümumi azaldılmasının tərkib hissəsidir. Bu, federal agentliyin ən aşağı səviyyədə maliyyələşməsinə və nəticədə NASA-nın 40-dan çox proqramının və elmi missiyasının bağlanmasına səbəb ola bilər.
Bundan əlavə, Ağ Ev agentliyi daimi rəhbər və kosmosun tədqiqində Çin və digər rəqiblərlə rəqabət aparmaq üçün aydın strategiyadan məhrum edib.
