İranın cənubunda yerləşən Hörmüzqan əyalətində ABŞ Hərbi Hava Qüvvələrinin həyata keçirdiyi hücumlar azı səkkiz mülki şəxsin ölümü ilə nəticələnib.
Oxu.Az xəbər verir ki, bu barədə "Tasnim" agentliyi məlumat yayıb.
Agentliyin məlumatına əsasən, ABŞ qırıcıları Hörmüzqan vilayətində bir sıra obyektləri hədəfə alıb. Bununla yanaşı, Sistan və Bəlucistan əyalətinin Çabahar limanında yerləşən müşahidə qülləsi istiqamətində üç raket buraxılıb.
Bütövlükdə ABŞ-nin İrana qarşı təşkil etdiyi silsilə hücumlar nəticəsində 38 nəfər həlak olub. Aralarında qadınların və azyaşlıların da olduğu 400-dən çox şəxs isə müxtəlif dərəcəli bədən xəsarətləri alıb.
"RİA Novosti"nin məlumatında qeyd edilir ki, gərginləşən münaqişənin fəsadları olduqca böyük miqyas alıb. İran Səhiyyə Nazirliyinin ictimaiyyətlə əlaqələr şöbəsinin rəhbəri Hüseyn Kermanpur ölənlərin və yaralananların sayının artdığını təsdiqləyib.
Kermanpur sosial şəbəkə hesabında qeyd edib ki, həlak olanlardan üçü qadın, yaralılardan isə 22-si qadın və doqquzu azyaşlıdır.
ABŞ-nin Bəndər-Xomeyni şəhərinə endirdiyi zərbələr nəticəsində yeddi nəfər həyatını itirib, daha doqquz nəfər isə yaralanıb.
Oxu.Az xəbər verir ki, bu barədə "Fars" agentliyi məlumat yayıb.
Mənbənin bildirdiyinə əsasən, xilasedici dəstələr və səhiyyə işçiləri zərərçəkənlərə lazımi tibbi yardım göstərirlər.
Bəndər-Abbas və Lars şəhərləri arasında nəqliyyatın hərəkəti müəyyən məhdudiyyətlərlə bərpa edilib, sürücülərə bu istiqamətdə səfər etməkdən çəkinmək məsləhət görülür.
