Avropa Komissiyasının (AK) rəhbəri Ursula fon der Lyayen sentyabr ayında uşaqların sosial şəbəkələrdən istifadəsi ilə bağlı ümumavropa yaş məhdudiyyətlərinin tətbiqi planlarını açıqlamaq niyyətindədir.
Oxu.Az xəbər verir ki, bu barədə "Euractiv" portalının mənbələrə istinadən məlumat yayıb.
Bildirilib ki, sentyabrın 16-da Avropa İttifaqının (Aİ) vəziyyəti ilə bağlı illik müraciət zamanı rəqəmsal platformalara müəyyən olunmuş yaşa çatmayan uşaqlar üçün hesablar yaratmağı qadağan edəcək yeni qaydaların yaradılması barədə məlumat veriləcək.
Nəşr vurğulayır ki, Avropa rəsmiləri hələlik minimum yaş həddi və yaşın yoxlanılması prosesinin hansı formada həyata keçiriləcəyi barədə yekun qərara gəlməyiblər.
Qaynar xətt:
(055) 224 12 12
