Türkiyənin Çanaqqala vilayətində avtobus qəzası baş verib. Yunanıstanda keçirilən "İskece Karnavalı"ndan İzmirə qayıdan tur avtobusu yoldan çıxaraq, xəndəyə düşüb.
Oxu.Az-ın "Hürriyet"ə istinadla verdiyi məlumata görə, hadisə Gelibolu rayonunda qeydə alınıb.
Qəza nəticəsində azı 37 nəfər xəsarət alıb. Avtobusda ümumilikdə 44 sərnişinin olduğu bildirilib. Yaralılar yaxınlıqdakı xəstəxanalara daşınıblar.
İlkin ehtimallara görə, avtobus sürücüsü Y.B. sükan arxasında yuxuya gedib. Qeyd edilir ki, qəzada sürücünün özü də yaralanıb.
Hadisə ilə bağlı istintaqa başlanılıb.
