Axşam ilıq duş almaq və yuxu gigiyenasına riayət etmək yuxuya getməyə kömək edir.
Oxu.Az xəbər verir ki, bu barədə rusiyalı həkim-terapevt İvan Eremenko "Podmoskovye seqodnya" nəşrinə müsahibəsində danışıb.
İvan Eremenko yuxu gigiyenasına riayət etməyin tez yuxuya getməkdə əsas rol oynadığını da vurğulayıb. Xüsusilə, o, hər gün eyni vaxtda yatmağı və oyanmağı, yatmazdan bir-iki saat əvvəl işıq yükünü (işığa məruz qalmağı) azaltmağı, axşam vaxtlarında qadcetlərdən istifadə etməməyi və gün ərzində orta fiziki aktivliyi qorumağı tövsiyə edib.
Bundan əlavə, mütəxəssisin sözlərinə görə, yatmazdan əvvəl ilıq duş qəbul etmək, yataq otağının müntəzəm havalandırılması və hava temperaturunun 18-20 dərəcədə saxlanılması yuxu keyfiyyətinin yaxşılaşdırılmasına kömək edəcək.
