Koronavirusun "Nimbus" adlı yeni ştammı bütün dünyada yayılmağa başlayıb. Artıq Böyük Britaniya, Hindistan, ABŞ və digər ölkələrdə yoluxma halları aşkarlanıb.
Oxu.Az-ın xəbərinə görə, bu barədə "Associated Press" nəşri məlumat yayıb.
Agentliyin məlumatına görə, yeni ştammda yoluxmanın əsas simptomu kəskin boğaz ağrısı, şiddətli zəiflik, temperaturun yüksəlməsi və titrəmədir. Bu səbəbdən turistlər arasında yoluxma hallarının artması müşahidə olunur.
Mənbənin sözlərinə görə, Ümumdünya Səhiyyə Təşkilatı (ÜST) koronavirusun yeni variantını əvvəllər məlum olan ştammlarla müqayisədə daha ağır hesab etmir. Mütəxəssislər vəziyyəti izləməyə və "Nimbus"un simptomları və yayılma dinamikası haqqında daxil olan məlumatları təhlil etməyə davam edirlər.
Qeyd edək ki, "Nimbus" ştammı ilk dəfə 2025-ci ilin yazında Böyük Britaniyada aşkarlanıb və Sağlamlıq Təhlükəsizliyi Agentliyinin məlumatına görə, artıq bu yay COVID-19 hallarının artmasına səbəb ola bilər. Artıq Çin, Honq-Konq və Sinqapurda yayılma halları qeydə alınıb, ekspertlər isə qeyd edirlər ki, insanların immun sistemi zəiflədiyi üçün bu infeksiyaya yoluxma riski artır.
