"Dostum və çox hörmət etdiyim insan, Azərbaycanın baş prokuroru Kamran Əliyevin dəvəti ilə mən və Gürcüstan nümayəndə heyəti bu gün Azərbaycana səfərə gəldik və həmin ölkənin prokurorluğunda olduq".
Oxu.Az-ın məlumatına görə, bu fikirləri Gürcüstanın baş prokuroru Giorgi Qvarakidze deyib.
O, dəvət üçün Kamran Əliyevə təşəkkür edib:
"Bizim çox yaxın münasibətlərimiz var. Ölkələrimiz arasında yaxın əməkdaşlıq mövcuddur və bizim dostluğumuz iki ölkə arasında uğurlu əməkdaşlığa töhfəsini verir.
Rəsmi səfər çərçivəsində görüşlərimiz oldu, fikir mübadiləsi apardıq və bu da bizim iki ölkə arasında sıx əməkdaşlığa öz töhfəsini verdi.
Həm əməkdaşlıq, həm beynəlxalq yardım sahələrində bizim çox uğurlu statistikamız var.
Bu cür səfərlər iki ölkə arasında hüquq-mühafizə orqanları və hüquq sahəsində əməkdaşlığa büyük töhfələr verir. Bir daha Kamran müəllimə dəvəti üçün təşəkkür edirəm.
Bu cür görüşlər prokurorluqlar arasında əməkdaşlığa və xalqların dostluğuna çox əhəmiyyətli və büyük töhfələr verir".
