"Haber Global": "Makron ölkəni agentlər vasitəsilə idarə edir"

Bakıya "ölüm dəstəsi" göndərdiyi iddia edilən Fransa Prezidenti Emmanuel Makronun bütün kəşfiyyat strukturu deşifrə edilir.

Oxu.Az xəbər verir ki, bu barədə "Haber Global" məlumat verib.

Qeyd olunur ki, Parisin Rusiya, Ukrayna, Çin və Balkan ölkələrində gizli bölmələri var. Hərbi mənbələr isə Makronun ölkəni agentlərlə idarə etdiyini tənqid edir və "dərin dövlət"in hərəkətlərinə diqqət çəkir.

"Fransa Prezidenti Emmanuel Makronun bütün kəşfiyyat strukturu ifşa olunmağa başlayıb. Kəşfiyyat aparatının diqqət mərkəzində saxladığı sahələr arasında "ölüm dəstəsi" ilə Bakıda olduğu iddia edilən və Fransada "Makronun qara şahzadəsi" kimi tanınan agent Aleksandr Benalla da var. O, həmçiniin Balkan bölgəsində və Yaxın Şərqdə fəaliyyət göstərir. Bir çox xəbər orqanı, xüsusən də nüfuzlu qlobal kəşfiyyat xəbər saytı "Intelligence Online" da Makronun getdikcə daha çox kəşfiyyata əsaslanan xarici siyasət yürütməyə başladığını bildirib.

Fransa kəşfiyyat mənbələri tərəfindən ölkə tarixində kəşfiyyat bölmələrinə ən çox səlahiyyət verən prezident kimi təsvir edilən Emmanuel Makron, Fransa daxili kəşfiyyat təşkilatının (DST) daxili bölməsinin direktoru Pyer de Buske de Florian ilə birlikdə kəşfiyyat strukturunun xaricdə açılması prosesini işə salıb. Bildirilir ki, Makron 3 il əvvəl ölkənin ən təcrübəli kəşfiyyatçısı olan de Floriana tam səlahiyyət verərək "yayılma siyasəti" başladıb", - məqalədə qeyd olunur.