“Seks-cihad” anlayışı 2013-cü ildə yaranaraq böyük populyarlıq qazandı. Onlarla Avropa və Şərq ölkələrindən yüzlərlə müsəlman qadın “İslam dövləti” yaraqlılarının yanına, onlara intim xidmətlər göstərərək kafirlərlə mübarizədə dəstəkləmək üçün Suriya və İraqa gedirlər. Əsasən də Bəşər Əsədin rejimi ilə. Bəzi qızlar macəra axtarışında, digərləri islamçılar arasında özünə ər tapmaq, bəziləri isə sadəcə öz seksual fantaziyalarını həyata keçirmək üçün ora yollanırlar. Onların hər biri belə “seksvolontorluğun” cənnətdə yerin zəmanəti olduğundan əmindir.
2013-cü ildə Ravan Qadah (Rawan Qadah) adlı 16 yaşlı suriyalı qızın hekayəsi bütün dünya KİV-də səsləndi, onun atası yaraqlıların görüşlərini bölüşdüyü üçün qızını yaraqlıların yanına seks-cihada yollamışdı. Qızın sözlərinə görə, onu faktiki olaraq seks-kənizə çevirmişdilər. Ondan beş-yeddi islamçı istifadə edirdi.
Bütün bunlar vəhşi zorlamanı xatırladırdı:
“Atam mənə çimməyi əmr etdi. Mən yuyunan zaman hamama 50 yaşlarında bir kişi daxil oldu. Onun üzərində nazik alt paltarı var idi. O, mənim saçımdan tutub otağa apardı. Qışqırdım, ağladım. Atam divarın o biri üzündə idi, amma mənə kömək etmək üçün barmağını belə tərpətmədi. Birinci kişi işini bitirməmiş ikincisi otağa daxil oldu”, Ravan danışırdı.
Yaraqlıların əlindən canını bir neçə ay sonra qurtara bilmişdi, KPP-yə qədər qaçaraq suriyalı əsgərlərdən yardım istəmişdi.
Cihadın romantikası.
2013-cü ildə Səudiyyə Ərəbistanından olan vəhhabi moizəçi Məhəmməd əl-Arifi sünniləri seks-cihada, (cihad əl-nikah) Suriyaya çağırdı. Şeyxin dəvətinə (Twitter-də onun doqquz milyon abunəçisi var) dünya ölkələrindən yüzlərlə qız səs verdi.
Praktiki olaraq elə o zamanlarda piramidalar ölkəsində seks-cihada maraq artdı. Məhəmməd Mursinin devrilməsi dövründə etirazlar zamanı, 2013-cü ilin yayında, misirlilər “Müsəlman qardaşlardan” Rabaa əl-Ədəviyədə çadır düşərgəsinə yollanmağın zamanının gəldiyini soruşdular. “Müsəlman qardaşlar”ın nümayəndəsi Facebook səhifələrində “seks-cihad üçün hələ zaman gəlməyib, amma hazır olun” yazdılar.
Suriyada seks-cihad sürətlə yayılırdı. Daha öncə islamçılar qadınları “müqəddəs müharibəyə” şəbəkə jurnallarının vasitəsilə cəlb etməyə çalışırdılar. Hal-hazırda təbliğat əsasən Skype və sosial şəbəkələrlə aparılır. Qızlarla yaraqlılar tanış olur və onlara Suriyaya gələrək İD yaraqlısına ərə getməyi təklif edirlər.
Təbliğatı bütün dünyada universitetlərdə müxtəlif dərnəklərdə yaraqlıların bacıları və arvadları da aparır.
İlk həyəcan təbili Tunisdə vuruldu. 2013-cü ilin sentyabr ayında daxili işlər naziri Lotfi Ben Caddu bəyan etdi ki, yerli qadınlar Suriyaya gedərək, orada “seks-cihad adına 20, 30 və ya 100 islamçı ilə cinsi əlaqəyə girərək vətənə hamilə qayıdırlar”.
Yerli Al Mijhar jurnalında “Mənə cənnəti müjdələdilər və mən 152 kişiylə bərabər oldum” deyə, seks-cihaddan hamilə qayıtmış 21 yaşlı sünni xanım gün ərzində bir neçə dəfə ərə getməli olduğunu və yaraqlılara intim xidmət göstərdiyini danışıb.
Buna cavab olaraq qərb jurnalistləri, müsəlmanların seks-volontyorları haqqında əhvalatın Bəşər Əsəd və Rusiya KİV-nin uydurması olduğunu, bununla islamçıları dünya ictimaiyyətinin gözündən salmağa çalışdıqlarını bəyan etdi. Le Nouvel Observateur jurnalisti Jan-Batist Node yazır ki, “bu, həqiqət olmaq üçün həddən artıq gözəl əhvalatdır”.
2013-cü ilin oktyabrında Der Spiegel seks-cihadı “Bəşər Əsəd rejiminin şəxsi cinayətlərindən diqqətin çəkilməsinə yönəlmiş kampaniya” adlandırdığı məqalə dərc edib.
Tunis telekanallarından biri yerli yaraqlı Abu Qusaydan (Abu Qusay) müsahibə götürüb, o, seks-cihadın heç də uydurma olmadığını bildirib. Bununla yanaşı Qusay qeyd edib ki, Suriyaya müxtəlif millətlərin nümayəndələri, eləcə də Qərb ölkələrindən seks-volontyorlar gəlir.
Seks-müharibənin yeni dalğası 2014-cü ildə qalxdı, bu zaman yaraqlılar Tikrit və Mosulu ələ keçirdilər. Şəhərlərdə islamçıların ailələrinin “subay qızlarını seks-cihada göndərməyə” çağıran vərəqələr yayılırdı.
Daha sonra Misirin gündəlik Al-Masry Al-Youm-u Mosul və Tikritin küçələrində də bu qəbildən çağırışın olduğu plakatların asıldığını xəbər verdi.
Bundan sonra London və Kanberra yerli kəşfiyyata istinadən Suriyada seks-cihada bir neçə yüz britaniyalı və avstraliyalı qadının gəldiyini təsdiqlədi.
Cənnətin o biri üzü.
İslamda xəyanət və fahişəlik qadağandır. Qadınla Qurani-Kərimə zidd olmadan cinsi əlaqəyə girmək üçün yaraqlı, onunla müvəqqəti kəbin kəsməlidir, şiələr buna muta, sünnilər isə misyar deyir.
Müvəqqəti nikah haqqında Quranın 4-cü surəsinin 24-cü ayəsində danışılır.
Quran, surə 4, ayə 24:
“Sahib olduğunuz cariyələr istisna olmaqla ərli qadınları almaq da (sizə haram edildi). Allahın sizə buyurduğu hökmü belədir. Bunlardan başqaları ilə, öz malınızla, nikah etməklə, zinakarlığa yol vermədən, evlənməyiniz sizə halal edildi. (Evləndiyiniz) qadınlardan zövq aldığınıza görə onlara, vacib buyurulmuş mehrlərini verin. Bu mehr müəyyən edildikdən sonra öz aranızda razılaşdığınız şeyə görə sizə heç bir günah olmaz. Həqiqətən, Allah Biləndir, Müdrikdir.
Muta 1 saatdan 99 illik müddətə qədər bağlana bilər, həm də müvəqqəti nikahların sayı məhdudlaşdırılmır. Mərasimdə valideynlərin, şahidlərin və ya qəyyumların olmağı tələb edilmir. Müvəqqəti nikahda olan qadın, qanuni arvadın hüquq və statusuna malikdir. Nikah zamanı gələcək qadınına islamçının mehr verməsinin labüdlüyü dəqiqləşdirilmir. Amma məlumdur ki, bu nikah bir neçə saat pozulduqdan sonra seks-islamçı qadın ərindən təzminat alır.
Seks-cihad zamanı müvəqqəti nikahın bütün qaydalarına əməl edilmir. Ənənəyə görə, nikah pozulduqdan sonra qadın bir müddət gözləməlidir, bu müddət iddu adlanır, sonra yenidən ailə qura bilər. İdda 4 ay 10 gün çəkir. Seks-cihadçı isə bir gün ərzində bir neçə partnyorla ola bilər. Müvəqqəti nikah zamanı dünyaya gələn uşaq bütün qanuni nikahda doğulan uşaqların hüququna malikdir. Amma seks-volontyorlar evə hamilə qayıdırlar, nəticədə uşağı tək tərbiyə edirlər.
Seks-cihada kasıb qızlarla yanaşı, təminatlı ailələrin də nümayəndələri yollanır. Psixoloqların sözlərinə görə, onlar Suriyaya “macəra, məhəbbət və həyatın mənasını tapmaq üçün yollanırlar”. Bəziləri ailələri tərəfindən göstərilən təzyiqdən, bəziləri islamçıların ideologiyasını qorumaq üçün, bəziləri isə cəbhəyə özünə ər tapmaq üçün gedirlər. Bəzi qadınlar isə bir müddət öncə islamçıların sıralarına qoşulan öz tanışlarına qoşulurlar.
Məscidlərdə “seks-müharibə haqqında” eşidən, gənc avropalı müsəlman xanımlar, cəlbedici seksual macəralar axtarışında yol çantalarını yığırlar. Amma orada onları zorakılıq, alçaltma və arzuolunmaz hamiləlik gözləyir.
Evə qayıtdıqdan sonra seks-cihadçılar çətin vəziyyətə düşürlər. Onların çoxundan ailələri üz döndərir. Suriyada olan bəzi qızlar intihar ediblər. Avstriyada isə seks-cihadçıları Cinayət Məcəlləsinin “terror təşkilatında üzvlük” maddəsi ilə ittiham edə bilərlər.
