100-dən çox miqrantın qayıqla Böyük Britaniyaya gəlməsindən sonra İngiltərənin Portsmut şəhərindəki İstni körpüsünün yaxınlığında yüzlərlə etirazçı toplaşıb.
Oxu.Az xəbər verir ki, bu barədə "The Telegraph" nəşri məlumat yayıb.
Nəşrin məlumatına əsasən, sentyabrın 6-sı axşama doğru aksiyada təxminən 500 nəfər iştirak edib. Nümayişçilər körpüyə gedən yeganə giriş yolunu bağlayıblar, bundan sonra kütlənin bir hissəsi polis kordonunu yarmağa cəhd göstərib. Hüquq-mühafizə orqanlarının əməkdaşları etirazçılara qarşı qalxanlardan və qaz balonlarından istifadə edib.
Daha əvvəl La-Manş və Şimal dənizinin dəniz prefekturası göyərtəsində 140 miqrant olan qayığın Fransa sahillərindən Böyük Britaniya istiqamətində hərəkətə başladığını bildirib.
"Birləşmiş Krallığa çatmaqda qərarlı olan və etibarsız qayıqlarla sərhədi keçməyə çalışan miqrantlar Fransa xidmətlərinin təklif etdiyi köməkdən imtina edir və onu yalnız son zərurət olduqda qəbul edirlər", - deyə açıqlamada qeyd olunub.
