İyulun 17-də İranın İordaniyaya endirdiyi zərbələr nəticəsində iki ABŞ hərbçisi ölüb.
Oxu.Az xəbər verir ki, bu barədə ABŞ Mərkəzi Komandanlığı (CENTCOM) "X" hesabında məlumat yayıb. Bildirilib ki, bir hərbçi itkin düşüb. Hərtərəfli axtarış tədbirləri nəticəsində ABŞ hərbçiləri bu gün hadisə yerində şəxsiyyəti məlum olmayan cəsəd qalıqları aşkar ediblər. Qalıqların kimliyini təsdiqləmək məqsədilə ekspertiza prosesi davam etdirilir.
Bununla yanaşı məlumatda bildirilir ki, iyulun 18-də İraqın şimalında İran PUA-sının məhv edilməsi zamanı daha bir ABŞ hərbi qulluqçusu həyatını itirib. İkinci hərbçi isə yüngül xəsarət alıb və hazırda ona müvafiq tibbi yardım göstərilir.
Həlak olan və itkin düşən hərbi qulluqçuların kimliyi də daxil olmaqla heç bir əlavə məlumat açıqlanmayıb.
