İslam Əməkdaşlıq Təşkilatı İsmayıl Haniyənin ölümü ilə bağlı fövqəladə iclas keçirəcək

İslam Əməkdaşlıq Təşkilatı (İƏT) avqustun 7-də xarici işlər nazirləri səviyyəsində fövqəladə iclas keçirəcək.

Bu barədə Oxu.Az "TRT Haber"ə istinadən məlumat verir.

Məlumata görə, iclas İƏT-in Səudiyyə Ərəbistanının Ciddə şəhərində yerləşən baş qərargahında baş tutacaq.

İƏT-dən verilən yazılı açıqlamada bildirilib ki, iclasda Yaxın Şərqdəki durum və HƏMAS lideri İsmayıl Haniyənin ölümündən sonra bölgədə yaranan gərginlik kimi məsələlər müzakirə olunacaq.