İsveç sakinləri Quranın yandırılmasına icazə verildiyi üçün polisə şikayət ediblər–YENİLƏNİB + VİDEO

Çərşənbə günü Stokholmda Quranın yandırılmasından sonra İsveçin bir neçə sakini aksiyaya icazə verən polislə bağlı Ədliyyə Ombudsmanına şikayət edib.

Məlumata görə, Qurban bayramı zamanı paytaxt belə aksiyaya icazə verdiyinə görə polis tənqid olunub.

Müraciət edənlərdən biri vurğulayıb ki, “Söz azadlığı cəmiyyətin bir hissəsini əqidəsinə görə əzmək, alçaltmaq, təxribata çəkmək və ayrıseçkilik etmək istəyilə məhdudlaşır”.

Qeyd olunur ki, daha əvvəl Ədliyyə Nazirliyinin rəhbəri Qunnar Strömmer izah edib ki, hökumət və onun idarəsi aksiyaya icazənin verilməsində iştirak etmir. İcazələrin verilməsi məsələləri polis orqanları tərəfindən həll edilir. O bildirib ki, “söz azadlığının qorunması çoxları üçün təhqiredici ola bilər” və “icazə dəstək demək deyil”.

Mənbə: TASS

23:07

Stokholmda Quranın yandırılmasına etiraz edən bir qrup iraqlı cümə axşamı İsveçin Bağdaddakı səfirliyinin ərazisinə hücum ediblər

Məlumata görə, cümə axşamı İsveç diplomatik missiyasının binası yaxınlığında yüzdən çox etirazçı toplaşıb. Bir qrup etirazçı Bağdadın mərkəzi hissəsində yerləşən İsveç səfirliyinin darvazasını sındıraraq onun ərazisinə daxil ola bilib. Diplomatik missiyaya dəyə biləcək zərər barədə məlumat yoxdur.

Bildirilir ki, səfirliyin ərazisinə daxil olan şəxslər qısa müddət sonra oranı tərk ediblər. Nümyaişçilər Quranın təhqir olunmasına etiraz olaraq İsveç səfirinin İraqdan çıxarılmasını tələb ediblər.

Xatırladaq ki, Stokholmdakı məlum aksiya polisin icazəsi ilə iyunun 28-də baş tutub. İraqdan olan 37 yaşlı mühacir Salvan Momika Quranın səhifələrini qopararaq yandırıb.

İsveç sakinləri Quranın yandırılmasına icazə verildiyi üçün polisə şikayət ediblər–YENİLƏNİB + VİDEO

Mənbə: TASS