İtaliya A Seriyasında 8-ci tura start verilib.
Oxu.Az xəbər verir ki, turun açılış matçında "Milan" "Piza"nı qəbul edib.
Gözləntilərin əksinə olaraq, "rossoneri"lər autsayderin öhdəsindən gələ bilməyiblər.
7-ci dəqiqədə meydan sahibləri Leonun qolu ilə hesabı açsalar da, qonaqlar 60-cı dəqiqədə Kuadradonun dəqiq penalti zərbəsi ilə cavab veriblər. 86-cı dəqiqədə Nzola "Piza"nı hesabda irəli çıxarsa da, 90+4-cü dəqiqədə Atekame sensasiyaya imkan verməyib - 2:2.
Xal itkisinə baxmayaraq "Milan" çempionatın lideri olaraq qalır. Komandanın aktivində 17 xal var. Onun rəqibi isə 4 xalla 18-ci pillədədir.
:640.jpg)
