Rusiyanın Kiyevə endirdiyi genişmiqyaslı zərbələr nəticəsində həlak olanların sayı artaraq 20-yə çatıb.
Oxu.Az xəbər verir ki, bu barədə Kiyev Şəhər Hərbi Administrasiyasının rəhbəri Timur Tkaçenko özünün "Telegram" kanalında məlumat paylaşıb.
"Əfsuslar olsun ki, bugünkü hücum nəticəsində həyatını itirənlərin sayı artıb. Hazırkı məlumata görə, 20 nəfərin öldüyü təsdiqlənib", - deyə o vurğulayıb.
Hazırda yaralıların sayının 90-a yaxın olduğu bildirilir.
Rusiyanın Kiyevə endirdiyi kütləvi aviazərbələr nəticəsində həyatını itirənlərin sayı 17 nəfərə çatıb.
Oxu.Az xəbər verir ki, bu barədə Ukraynanın Fövqəladə Hallar üzrə Dövlət Xidməti məlumat yayıb.
"Kiyevdə həlak olanların sayı 17 nəfərə yüksəlib. Hazırda qəza-xilasetmə tədbirləri davam etdirilir", - deyə məlumatda qeyd olunur.
Rusiyanın həyata keçirdiyi genişmiqyaslı zərbələr nəticəsində həyatını itirənlərlə əlaqədar olaraq, iyulun 3-də Kiyev şəhərində hüzn günü elan edilib.
Oxu.Az xəbər verir ki, bu qərarı Ukrayna paytaxtının meri Vitali Kliçko açıqlayıb.
"Sabah şəhər tabeliyində olan bütün bələdiyyə tikililərində bayraqlar yarıya qədər endiriləcək. Dövlət və özəl mülkiyyətdə olan binalarda da dövlət bayraqlarının salınması məsləhət görülür. İyulun 3-də şəhər ərazisində bütün növ əyləncəli tədbirlərin keçirilməsinə qadağa qoyulub", - deyə o bildirib.
Son məlumatlara əsasən, Kiyev şəhərində baş verən hadisə nəticəsində ölənlərin sayı 13 nəfərə çatıb.
Ötən gecə Rusiyanın Kiyevə endirdiyi hava zərbələri nəticəsində 11 nəfər həlak olub, 56 nəfər yaralanıb.
Oxu.Az bu barədə Ukrayna mediasına istinadən xəbər verir.
Bildirilib ki, hazırda xilasetmə işləri davam etdirilir. Fövqəladə Hallar Dövlət Xidmətinin məlumatına görə, zərbələr Ukrayna paytaxtının bütün rayonları üzrə 30-dan çox ünvanda qeydə alınıb.
Zərər əsasən yaşayış binalarına və mülki infrastruktur obyektlərinə dəyib.
