Gürcüstanın Baş naziri İrakli Kobaxidze bildirib ki, ABŞ ilə münasibətlərin bərpasına əsas maneə ancaq "dərin dövlət"in təsiri ola bilər.
Oxu.Az-ın Gürcüstan KİV-ə istinadən verdiyi xəbərə görə, bunu jurnalistlərə hökumət başçısı Kobaxidze ölkə Prezidenti Mixail Kavelaşvilinin amerikalı həmkarı Donald Trampa göndərdiyi məktubu şərh edərkən deyib.
"Bizim mesajımız hər kəsə məlumdur: biz sıfırdan başlamaq və konkret yol xəritəsi ilə Gürcüstanla ABŞ arasında strateji tərəfdaşlığı bərpa etmək istəyirik. "Dərin dövlət" möhkəmlənməsə, Gürcüstanla ABŞ arasında münasibətlərin bərpasına heç nə mane ola bilməyəcək", - deyə o vurğulayıb.
