Kurts Avropa Birliyini Ankara ilə danışıqları dayandırmağa çağırdı

Avstriya kansleri Sebastiyan Kurts Brüsseli Ankara ilə Türkiyənin Avropa Birliyinə üzvlüyü danışıqlarını dayandırmağa çağırıb. Buna səbəb Türkiyə prezidenti Rəcəb Tayyib Ərdoğanın geylərə qarşı münasibəti və türk lirəsinin dəyərini itirməsi göstərilib. 

Oxu.Az xəbər verir ki, bununla bağlı “Express” nəşri yazıb. 

Kurtsun sözlərinə görə, Türkiyə insanların hüquq və azadlıqlarına mane olmaqla böyük addımlarla Avropa Birliyindən uzaqlaşır. 

Dünən İstanbulda Türkiyə hökuməti tərəfindən qadağan olunmasına baxmayaraq, keçirilən gey paradda 11 nəfər saxlanılıb. 

www.oxu.az