Livanda HƏMAS komandiri öldürülüb

İsrail Hərbi Hava Qüvvələrinə məxsus pilotsuz uçuş aparatı Livanın Sayda şəhərində HƏMAS komandirinin olduğu avtomobili vurub.

Oxu.Az xəbər verir ki, bu barədə "Naharnet" xəbər portalı məlumat yayıb.

Bildirilib ki, hadisə nəticəsində Fələstinin HƏMAS hərəkatının komandirlərindən biri olan Samir əl-Həcc ölüb. Avtomobildə olan daha bir döyüşçü yaralanıb.

Qeyd olunub ki, əl-Həcc Sayda şəhərinin kənarında yerləşən Ayn əl-Hilvə fələstinli qaçqın düşərgəsində təhlükəsizlik xidmətinə rəhbərlik edib.

Livanda HƏMAS komandiri öldürülüb