Rusiya İstintaq Komitəsinin Moskva şəhəri üzrə Baş İstintaq İdarəsi hüquq-mühafizə orqanları ilə birgə qanunsuz miqrasiyanın aşkara çıxarılması və qarşısının alınması məqsədilə reydlər keçirib.
Oxu.Az xəbər verir ki, bu barədə məlumat komitənin rəsmi saytında yerləşdirilib.
Qanunsuz miqrasiya kanallarını müəyyən etmək məqsədilə Moskvada yerləşən hostel və ibadət evləri yoxlanılıb.
Yoxlama nəticəsində qeyd olunan obyektlərdə 500-dən çox əcnəbi vətəndaş aşkarlanaraq miqrasiya qanunvericiliyinə əməl olunması və digər mümkün hüquq pozuntularının araşdırılması üçün hüquq-mühafizə orqanlarına aparılıb.
Nəticədə Rusiyaya giriş və ölkədə qalma qaydalarını pozduğuna görə 30-dan artıq əcnəbi vətəndaş ölkədən çıxarılıb və inzibati məsuliyyətə cəlb olunub.
Bundan əlavə, federal axtarışda olan bir nəfər əcnəbi vətəndaş da müəyyən edilib.
