Pakistanda Rusiya səfirini müşayiət edən avtomobil minaya düşdü: Ölənlər var

Rusiyanın Pakistandakı səfiri Albert Xorevi müşayiət edən avtomobil Hayber-Paxtunxva əyalətində minaya düşüb.

Oxu.Az RBC-yə istinadən xəbər verir ki, bu barədə Rusiya diplomatik missiyası sosial şəbəkədə məlumat verib.

Qeyd olunub ki, bu gün Albert Xorev bir neçə digər diplomatla birlikdə İslamabad Ticarət və Sənaye Palatası tərəfindən təşkil edilmiş turizm sammitində iştirak edib.

"Müşayiət avtomobili Hayber-Paxtunxva əyalətinin Minqora şəhərindən hotelə gedərkən minaya düşüb, nəticədə bir neçə polis əməkdaşı yaralanıb", - deyə açıqlamada bildirilb.

Məlumata görə, hadisə nəticəsində diplomatlar xəsarət almayıblar.

Pakistan Xarici İşlər Nazirliyi açıqlayıb ki, öndə gedən kəşfiyyat dəstəsinin polis maşını kustar üsulla hazırlanmış partlayıcı qurğuya düşüb, nəticədə polis əməkdaşları həlak olublar.

"Diplomatik korpusun bütün üzvləri İslamabada sağ-salamat qayıdıblar", - nazirlik diqqətə çatdırıb.

Pakistanda Rusiya səfirini müşayiət edən avtomobil minaya düşdü: Ölənlər var