2014-cü ildə Pentaqon hərbçilər üçün viaqraya 41 milyon dollar, bununla yanaşı impotensiya ilə mübarizə üçün dərmanlara da 84 milyon pul xərcləyib. Bu barədə Defense Health Agency-nin hesabatına istinadən The Military Times bildirib.
Bu rəqəmə nəzərən son dörd il ərzində impotensiyaya qarşı 294 milyon dollar pul xərclənib.
Nəşrin qeyd etdiyi kimi bu pula dörd ədəd beşinci nəsil F-35 qırıcısı almaq olardı, Oxu.Az Lenta-ya istinadən xəbər verir.
Keçən il hərbçilərə belə preparatların istifadəsi tövsiyə edilən milyona yaxın resept yazılıb (yalnız indi xidmətdə olanlar deyil, ehtiyata buraxılan və onların ailə üzvləri də nəzərə alınıb).
Bununla yanaşı qeyd edilib ki, viaqra yalnız erektil disfunksiyaya qarşı mübarizə üçün deyil, eləcə də arterial hipertenziya ilə mübarizədə də istifadə edilib. İmpotensiyanın səbəbi kimi depressiyanı, nevroloji pozuntuları, travmaları göstərirlər.
Nəşrin məlumatına görə, ABŞ-da on il ərzində viaqranın istifadəsinin tələb olunduğu hərbçilərin sayı artıb. Hal-hazırda ABŞ-da nizami ordu 540 min əsgər, Amerika milli qvardiyasında 350 min, ordu ehtiyatında isə 200 min nəfərdən artıq hərbçi var.
