Böyük Britaniyada qeyri-adi idman növü hesab olunan ayaq barmaqları ilə güləş üzrə dünya çempionatı keçirilib.
Oxu.Az xəbər verir ki, bu barədə "Reuters" agentliyi məlumat yayıb.
Məlumata görə, ənənəvi olaraq təşkil edilən yarış qol güləşinə bənzəsə də, burada iştirakçılar əlləri deyil, ayaq barmaqlarından istifadə edərək mübarizə aparırlar.
Turnir iyulun 18-də Böyük Britaniyanın Eşborn şəhərində keçirilib.
Yarışın nəticələrinə əsasən, kişilər arasında Derbişir bölgəsindən olan Keysi Bruks, qadınlar arasında isə Ebiqeyl Biç ayaq barmaqları ilə güləş üzrə dünya çempionu adını qazanıblar.
Ayaq barmaqları ilə güləş Böyük Britaniyada illərdir keçirilən qeyri-adi idman növlərindən biri hesab olunur və hər il çoxsaylı iştirakçı ilə yanaşı, maraqlı tamaşaçı kütləsini də cəlb edir.
