Rusiya xarici işlər naziri Sergey Lavrov və ABŞ dövlət katibi Marko Rubio Yaxın Şərq, Cənubi Qafqaz, Latın Amerikası və Karib hövzəsindəki vəziyyəti müzakirə ediblər.
Oxu.Az Rusiya Xarici İşlər Nazirliyinin rəsmi saytına istinadən xəbər verir ki, görüş sentyabrın 23-də Nyu-Yorkda BMT Baş Assambleyasının 81-ci sessiyası çərçivəsində keçirilib.
Məlumata görə, görüş zamanı beynəlxalq və regional məsələlər, o cümlədən Yaxın Şərq, Cənubi Qafqaz, Latın Amerikası və Karib hövzəsindəki vəziyyət müzakirə olunub. Həmçinin bəzi çoxtərəfli institutlar tərəfindən beynəlxalq hüquq sahəsində tətbiq edilən qanunsuz təcrübələrə qarşı mübarizə məsələsinə toxunulub.
Bundan əlavə, Lavrov və Rubio ilin sonunadək keçirilməsi planlaşdırılan "Böyük İyirmilik" (G20) tədbirlərinə hazırlıq məsələlərini nəzərdən keçiriblər.
Qeyd olunur ki, görüşün yekunlarına əsasən, tərəflər müzakirə olunan bütün məsələlər üzrə Rusiya və ABŞ-nin xarici siyasət idarələri arasında təmasları davam etdirmək barədə razılığa gəliblər.
ABŞ dövlət katibi Marko Rubio ilə Rusiyanın xarici işlər naziri Sergey Lavrov Rusiya-Ukrayna müharibəsinin nizamlanması və Moskva ilə Vaşinqton arasındakı ikitərəfli münasibətləri müzakirə ediblər.
Oxu.Az xəbər verir ki, bu barədə ABŞ Dövlət Departamentinin rəsmi saytında yayılan bəyanatda bildirilib.
"Dövlət katibi Rusiya ilə Ukrayna arasındakı müharibəni, eləcə də Rusiya və ABŞ arasında ikitərəfli münasibətləri müzakirə edib", - deyə bəyanatda vurğulanıb.
Rusiya xarici işlər naziri Sergey Lavrovla ABŞ dövlət katibi Marko Rubio arasında danışıqlar başa çatıb.
Oxu.Az TASS agentliyinə istinadən xəbər verir ki, görüş 50 dəqiqədən çox davam edib.
Rusiyanın xarici işlər naziri Sergey Lavrov və ABŞ dövlət katibi Marko Rubio Nyu-Yorkda BMT Baş Assambleyasının 81-ci sessiyasının yüksək səviyyəli həftəsi çərçivəsində görüş keçiriblər.
Bu barədə Oxu.Az TASS-a istinadən məlumat verir.
Mətbuat üçün heç bir giriş sözü səsləndirilmədən başlayan danışıqlar qapalı formatda davam etdirilib.
Xatırladaq ki, Lavrov və Rubio sonuncu dəfə düz iki ay öncə, iyulun 23-də Manilada ASEAN (Cənub-Şərqi Asiya ölkələri) tədbirləri çərçivəsində bir araya gəlmişdilər və həmin görüş yarım saatdan bir qədər çox çəkmişdi.
