Ticarət müharibəsi: Çin ABŞ-dən mayeləşdirilmiş təbii qaz almağı dayandırdı

Çin ticarət müharibəsi fonunda ABŞ-dən mayeləşdirilmiş təbii qaz (LNG) alışını on həftədən çox müddətə dayandırıb.

Oxu.Az-ın xəbərinə görə, bu barədə "Financial Times" nəşri məlumat verib.

Nəşr ekspertlərə istinadən yazıb ki, Çinin ABŞ-nin mayeləşdirilmiş təbii qazından imtina etməsi Pekinin Moskva ilə enerji əməkdaşlığını gücləndirə bilər.

"Uzunmüddətli nəticələr olacaq. Düşünmürəm ki, Çinin LNG idxalçıları nə vaxtsa ABŞ-dən mayeləşdirilmiş təbii qaz tədarükü üçün yeni müqavilələr imzalasınlar", - deyə Kolumbiya Universitetinin Qlobal Enerji Siyasəti Mərkəzindən Ann-Sofi Korbo bildirib.