Tramp ABŞ qırıcılarının İranın nüvə obyektlərinə zərbə endirdiyini AÇIQLAYIB

ABŞ Prezident Donald Tramp ABŞ qırıcılarının İrandakı üç nüvə obyektinə zərbə endirdiyini bildirib.

Oxu.Az xəbər verir ki, bu barədə Tramp "Truth Social" platformasında yazıb.

"Biz İrandakı Fordo, Natanz və İsfahan daxil olmaqla üç nüvə obyektinə uğurlu hücumumuzu tamamladıq. Bütün təyyarələr artıq İran hava məkanından kənardadır. Əsas obyekt olan Fordo üzərinə bomba yükü atıldı. Bütün təyyarələr təhlükəsiz şəkildə evə qayıdırlar.

Amerikalı döyüşçülərimizi təbrik edirəm. Dünyada bunu edə biləcək başqa bir ordu yoxdur. İndi sülh zamanıdır! Bu məsələyə diqqət yetirdiyiniz üçün təşəkkür edirəm", - o yazıb.