Türkiyədə azərbaycanlı qadın saxlanıldı: 88 yaşlı qayınatasını döyərək öldürməkdə şübhəli bilinir

Türkiyənin Tokat vilayətinin Artova rayonunda Azərbaycan vətəndaşı olan gəlin qayınatasını döyərək öldürməkdə şübhəli bilinir.

Oxu.Az Türkiyə KİV-ə istinadən xəbər verir ki, 88 yaşlı Mustafa Cici xəstəxanaya yerləşdirildikdən sonra həyatını itirib.

Bildirilir ki, tərəflər arasında evin qarşısında bilinməyən səbəbə görə mübahisə yaranıb. Daha sonra mübahisə davaya çevrilib.

İddiaya əsasən, gəlin dava zamanı yerə yıxılan Mustafa Cici üçün təcili tibbi yardım maşını çağırıb. Həkimlərin bütün səylərinə rəğmən, yaşlı kişini xilas etmək mümkün olmayıb.

52 yaşlı gəlin K.V. isə polis tərəfindən saxlanılıb. Fakt üzrə araşdırma aparılır.