Türkiyədən bir ilk: Qanadları qatlanan PUA səmaya qalxdı - FOTO/VİDEO

Türkiyənin istehsalı olan və silahla təchiz edilmiş “Bayraktar TB3” pilotsuz uçuş aparatının (PUA) ilk uçuşu uğurlu alınıb.

Bu barədə “Bayraktar” şirkətinin Mətbuat Xidmətindən məlumat verilib.

İlk uçuş Türkiyə Cümhuriyyətinin yaradılmasının 100-cü ildönümünə həsr olunub.

Verilən məlumata görə, “Bayktar” şirkətinin texniki direktoru Selçuk Bayraktarın rəhbərliyi altında həyata keçirilən “Bayraktar TB3”ün ilk sınaq uçuşu Tekirdağın Çorlu rayonundakı AKINCI Uçuş Tədris və Test Mərkəzində baş tutub.

Bu gün, Türkiyə Cümhuriyyətinin 100-cü ildönümünə iki gün qalmış, saat 8:30-da havaya qalxan “Bayraktar TB3” havada sistem identifikasiya testlərini uğurla tamamlayaraq bir saatlıq uçuş həyata keçirib.

Bir hayalimizi daha gökyüzü ile buluşturduk çok şükür.#BayraktarTB3 ilk uçuşunu gerçekleştirdi... ✈️⚓️🚀

Ülkemize ve Milletimize hayırlı olsun. 🇹🇷#BayraktarTB3 successfully completed its maiden flight. ✈️⚓️🚀 pic.twitter.com/lrb2Neopcs

— Selçuk Bayraktar (@Selcuk) October 27, 2023

Mənbə: TRT Haber