Metronun "Nəriman Nərimanov" stansiyasında qatarda baş verən tüstülənmənin səbəbi məlum olub.
Oxu.Az-a açıqlamasında "Bakı Metropoliteni" QSC-nin İctimaiyyətlə əlaqələr şöbəsinin rəisi Bəxtiyar Məmmədov bildirib ki, "N.Nərimanov" stansiyasında hərəkətdə olan qatarın işıqlandırma blokunda texniki nasazlıq qeydə alınıb.
"Normativlərə əsasən, sərnişinlər stansiyada düşürülərək qatar baxış üçün depoya yola salınıb, operativ şəkildə əvəzləyici qatar xəttə buraxılıb. Hazırda bütün xətlərdə intervallar qorunmaqla qatarların qrafik üzrə hərəkəti təmin olunub", - deyə B.Məmmədov bildirib.
Əzizə İsmayılova
Metronun "Nəriman Nərimanov" stansiyasında qatarda tüstülənmə baş verib.
Oxu.Az xəbər verir ki, bu barədə məlumat BAKU.WS-in "qaynar xətti"nə daxil olub.
Bildirilib ki, tüstülənmə səbəbindən bütün sərnişinlər düşürülüb.
Hadisə ilə bağlı aidiyyəti üzrə sorğu ünvanlanıb.
