"Bakıda yük və minik avtomobillərin toqquşması nəticəsində bir nəfər ölüb, bir nəfər xəsarət alıb".
Bu məlumatı Oxu.Az-a açıqlamasında Baş Dövlət Yol Polisi İdarəsinin (BDYPİ) rəsmisi, polis polkovnik-leytenantı Mübariz Ağayev verib.
O qeyd edib ki, hadisə dekabrın 16-da saat 13:00-da Lökbatan qəsəbəsi ərazisində qeydə alınıb.
"Abşeron rayon sakini Umud İbrahimovun idarə etdiyi MAZ markalı yük maşını və Bakı şəhər sakini Rəhim Bəxtiyar oğlu Nuriyevin idarə etdiyi "Tofaş" markalı avtomobillə toqquşub. Nəticədə Rəhim Nuriyevin sərnişini, paytaxt sakini 2006-cı il təvəllüdlü Sadiq Həsənli hadisə yerində dünyasını dəyişib. Sürücü R.Nuriyev isə xəstəxanaya yerləşdirilib. Tibb personalı onun vəziyyəti qənaətbəxş olduğunu bildirib", - deyə açıqlamada vurğulanıb.
Əzizə İsmayılova
Bakıda yük və minik avtomobilləri toqquşub.
Oxu.Az "Report"a istinadən xəbər verir ki, Qaradağ rayonu Lökbatan qəsəbəsi ərazisində, Lökbatan-Xocasən avtomobil yolunun 2.5-ci kilometrliyində Rəhim Bəxtiyar oğlu Nuriyevin idarə etdiyi "Tofaş" markalı avtomobillə Umud Rafiq oğlu İbrahimovun idarə etdiyi "MAZ 543302-2120" markalı yük avtomobili toqquşub.
Nəticədə "Tofaş" markalı avtomobildə sərnişin, 1991-ci il təvəllüdlü Sadiq Azər oğlu Həsənov aldığı xəsarətlərdən hadisə yerində ölüb.
Qaradağ Rayon Polis İdarəsinin İstintaq şöbəsində fakta görə cinayət işi başlanılıb.
