Cəlilabad rayonunda ölümlə nəticələnən yol-nəqliyyat hadisəsi zamanı xəsarət alan şəxslərin vəziyyəti açıqlanıb.
Oxu.Az-ın sorğusuna cavab olaraq Cəlilabad Rayon Mərkəzi Xəstəxanasından bildirilib ki, matın 17-də 01:00-da yol-nəqliyyat hadisəsi nəticəsində xəsarət alan üç nəfər (kişi) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
"Onlara bədənin müxtəlif nahiyələrinin çoxsaylı travmaları diaqnozu təyin edilib. Aparılan bütün reanimasiya tədbirlərinə və həkimlərin çoxsaylı səylərinə baxmayaraq saat 02:00-da 1991-ci il təvəllüdlü şəxsin bioloji ölüm faktı qeydə alıb. Digər xəsarət alan şəxslərə zəruri tibbi xidmətlər göstərilib və ambulator müalicə üçün evə buraxılıblar", - deyə məlumatda bildirilib.
Əzizə İsmayılova
Cəlilabad rayonunda ölümlə nəticələnən yol-nəqliyyat hadisəsi baş verib.
Oxu.Az-ın məlumatına görə, hadisə martın 17-də gecə saat 2 radələrində şəhər ərazisində qeydə alınıb.
1997-ci il təvəllüdlü Səbran Əliyevin idarə etdiyi "KIA Rio" markalı və 1997-ci il təvəllüdlü Kamran Quliyevin idarə etdiyi "Changan" markalı avtomobillər toqquşub.
Hadisə nəticəsində hər iki sürücü və "Changan"ın sərnişini, Cəlilabad rayon sakini - 1991-ci il təvəllüdlü Xəyal Bəşirov bədən xəsarətləri alaraq rayon xəstəxanasına yerləşdiriliblər. X.Bəşirov xəstəxanada ölüb.
Faktla bağlı araşdırma aparılır.
