"Beşiktaş" 21 ildir komandada çıxış edən Necip Uysalla yeni müqavilə imzalayıb.
Oxu.Az Sporx.com-a istinadla xəbər verir ki, Necip Uysal "Beşiktaş" klubu ilə 16-cı mövsümünü keçirən ikinci futbolçu olub.
O, Rıza Çalımbayın rekorduna şərik olub. 16 il əsas heyətdə, 5 il isə əvəzedici komandada forma geyinən Necip Uysalla "1+1" illik yeni müqavilə imzalanıb.
Necip Uysal klub rəsmiləri ilə görüşərək karyerasını "Beşiktaş"da bitirmək istədiyini deyib.
Qeyd edək ki, Necip Uysal "Beşiktaş" forması ilə çıxdığı 461 matçda altı qol, 18 məhsuldar ötürmə ilə yadda qalıb.
