İsveçin “Xammarbyu” klubunun Bakı doğumlu yarımmüdafiəçisi Ciloan Hamad milli komanda seçimi ilə bağlı danışıb.
Oxu.Az “Ekstra Bladet” portalına istinadən xəbər verir ki, 28 yaşlı futbolçu İsveç millisinə düşə bilmədiyi vaxt İraq və Azərbaycan futbol federasiyaları tərəfindən dəvət aldığını bildirib.
“Bir neçə il dayanmadan mənə İraqdan zənglər gəldi, xahiş edirdilər ki, onların yığmasında oynayım. Doğulduğum Azərbaycandan da zənglər gəlirdi. Ancaq mən futbolu öyrəndiyim İsveçi seçdim”, - futbolçu deyib.
Xatırladaq ki, Ciloan Hamad 1990-cı ildə Bakıda anadan olub. 1992-ci ildə onun ailəsi İsveçə köçüb. Karyerası ərzində Hamad “Malmö”, “Hoffenhaym”, “Standart Lyoj” kimi klubların formasını geyinib.
Rəhman Cəfərov
www.oxu.az
