Meksika yığmasının əfsanəvi qapıçısı Gilyermo Oçoa futbol üzrə dünya çempionatından (DÇ-2026) sonra karyerasını başa vuracağını bəyan edib.
Oxu.Az xəbər verir ki, bu barədə o, FIFA-nın "YouTube" kanalına müsahibəsində bildirib.
"Milli komandadakı dövrüm sona yaxınlaşdığı üçün artıq futbolda qalmağın mənasını görmürəm. Oynamağa davam etmək üçün hər hansı bir səbəbim yoxdur. Buradakı hər bir andan zövq almışam. Meydanda var gücümlə mübarizə aparmışam. Karyeramı tam arxayınlıqla bitirirəm", - deyə Oçoa vurğulayıb.
Meksika yığmasının qapıçısı özünün sayca altıncı dünya çempionatına qatılıb. DÇ-2026-da CAR-a qarşı keçirilən ilk görüşdə (2:0) Oçoa ehtiyat oyunçular skamyasında yer alıb. Növbəti matçda Meksika Cənubi Koreya ilə qarşılaşacaq. Həmin oyun iyunun 19-da baş tutacaq. İyunun 25-də isə meksikalılar qrupda son turda Çexiya millisi ilə üz-üzə gələcəklər.
Qeyd edək ki, 41 yaşlı qolkiper 2025/26 mövsümündə Kiprin AEL komandasının formasını geyinib.
