"Marko Veşoviç və Mateuş Silva bu oyunda komandaya kömək edə bilməyəcəklər".
Oxu.Az xəbər verir ki, bunu "Qarabağ" futbol klubunun baş məşqçisi Qurban Qurbanov Avropa Liqasında Niderlandın "Ayaks" komandasına qarşı keçirəcəkləri oyundan əvvəl mətbuat konfransında deyib.
Təcrübəli mütəxəssis tanınmış kluba qarşı oynayacaqlarını bildirib:
"Rəqib dünya futbolunda tanınır. "Ayaks"ın futbolun böyüməsində çox payı olub. Qarşılaşmaya pis hazırlaşmamışıq. Futbolçuların hazırlıq səviyyəsi pis deyil, istəklidirlər. Azarkeşlərin razı qalacağına inanıram. Bu da bizim üçün önəmlidir. Gələcəyə nikbin baxmaq istəyiriksə, "Ayaks" kimi komandalarla oynamalıyıq. Zədəlilərə gəlincə isə Marko Veşoviç və Mateuş Silva bu oyunda komandaya kömək edə bilməyəcək".
Qeyd edək ki, UEFA Avropa Liqasının Liqa mərhələsinin III turunun "Qarabağ" - "Ayaks" matçı oktyabrın 24-də, Bakı vaxtı ilə saat 20:45-də başlayacaq.
Anar Həsənov
Rəylər