Smartfonunuzda cəmi bir funksiyanı söndürməklə ömrünüzü 10 il uzatmaq mümkündür.
Oxu.Az-ın "Rossiyskaya qazeta"ya istinadən verdiyi məlumata görə, kanadalı alimlər aparılan araşdırmalardan sonra belə bir bəyanatla çıxış ediblər.
Eksperimentdə iştirak edən yüzlərlə insan xüsusi bir tətbiqdən istifadə edib. Bu tətbiq internetə girişi bloklayır, amma zəng və SMS funksiyası qalır. Nəticədə insanların ekran qarşısında keçirdikləri vaxt yarıbayarı azalıb - gündə 314 dəqiqədən 161 dəqiqəyə düşüb. Hətta eksperiment bitəndən sonra da bu göstərici əvvəlki dövrlə müqayisədə 15% az qalıb.
Beləliklə, məlum olub ki, iştirakçılarda diqqət toplama qabiliyyəti xeyli yaxşılaşıb. Bu da onların beyninin 10 yaş gəncləşməsi deməkdir. İnsanlar həm də özlərini daha yaxşı hiss edib, daha çox gəzib və fiziki aktiv olublar.
Ekspertlər bu "internet detoksunun" iki həftəlik antidepressant qəbulundan belə daha təsirli olduğunu deyiblər.
