Xaçmazda polis əməkdaşları qəzaya düşüblər

Xaçmaz rayonunda yol-nəqliyyat hadisəsi qeydə alınıb. 

Oxu.Az-ın APA-ya istinadən verdiyi məlumata görə, Xaçmaz Dövlət Yol Polisi Bölməsinin (DYPB) idarə etdiyi BMW markalı avtomobil yoldan çıxaraq aşıb. 

Qəza nəticəsində avtomobildə olan üç nəfər müxtəlif dərəcəli bədən xəsarətləri ilə Xaçmaz Mərkəzi Rayon Xəstəxanasına yerləşdirilib. 

Onlar Xaçmaz DYPB-nin əməkdaşları Quba rayon sakinləri 1993-cü il təvəllüdlü Hökmdar Almazov, 1992-ci il təvəllüdlü Rüstəm Həmidov və Xaçmaz şəhər sakini 1986-cı il təvəllüdlü Fəqan Babayevdir. 

Hər üç şəxs ilkin tibbi yardımdan sonra evə buraxılıb. Faktla bağlı araşdırma aparılır.

S.B.
www.oxu.az