Prezidentin mükafatlandırdığı Xalq artistinin oğlu: "İlk sizdən eşitdik, nə gözəl xəbərdir"

Azərbaycan mədəniyyətinin inkişafında xüsusi xidmətlərinə görə Arif İmran oğlu Babayevə Heydər Əliyev Mükafatı verilib.

Bu barədə Prezident İlham Əliyev sərəncam imzalayıb.

Oxu.Az-ın əməkdaşı Xalq artistinin təəssüratlarını öyrənmək üçün əlaqə saxlayıb.

Lakin dəstəyi sənətkarın oğlu Yaşar Babayev açıb.

O, ilk dəfə xəbəri əməkdaşımızdan öyrəndiyini qeyd edib:

"Nə gözəl xəbərdir. Dövlətimizin başçısına təşəkkür edirəm ki, belə xüsusi diqqət ayırıb. Atam hazırda Mərkəzi Klinik Xəstəxanada müalicə alır, səhhəti yaxşılaşmağa doğru gedir".

Məhərrəm Əliyev