Rəsmi Bakıdan Hindistana başsağlığı

Azərbaycanın Xarici İşlər Nazirliyi (XİN) Hindistanda baş vermiş təyyarə qəzası ilə bağlı başsağlığı verib.

Oxu.Az-ın məlumatına görə, bu barədə Azərbaycan XİN-in “Twitter” hesabında bildirilib.

“Biz Hindistanda baş verən təyyarə qəzasından dərin təəssüf hissi keçiririk. Bu faciəvi təyyarə qəzasında ölənlərin yaxınlarına səmimi qəlbdən başsağlığı veririk. Yaralıların isə tezliklə sağalmasını arzulayırıq”, - deyə, XİN -in açıqlamasında qeyd olunub.

Xatırladaq ki, Dubaydan uçan “Air India Express” hava yollarına məxsus təyyarə Hindistanın Kerala ştatının Kəlkətə hava limanına eniş edərkən uçuş-enmə zolağından çıxaraq qəzaya uğrayıb.

Ən son məlumatlara görə, hadisə nəticəsində 20 nəfər ölüb, 140 nəfər isə xəsarət alıb.

Aqşin Kərimov

We are deeply saddened by the #AirIndiaPlaneCrash news in #Kerala #India and express our most sincere condolences to the families who lost their loved ones in this tragic plane accident. Wishing speedy recovery to all injured.@DrSJaishankar @MEAIndia

— MFA Azerbaijan 🇦🇿 (@AzerbaijanMFA) August 8, 2020