"Polis Akademiyası" populyar komediyasının yaradıcısı Pol Maslanski vəfat edib

Məşhur prodüser, "Polis Akademiyası" populyar komediyasının və bir çox digər layihələrin yaradıcısı Pol Maslanski vəfat edib.

Oxu.Az-ın verdiyi məlumata görə, bu barədə "The Hollywood Reporter" xəbər yayıb.

Bildirilir ki, 91 yaşlı ssenarist Los-Robles şəhərində (Kaliforniya ştatı) xəstəxanada təbii səbəblərdən vəfat edib.

Bir çox uğurlu filmlərin prodüseri olan Maslanskinin ən məşhur layihəsi Torontoda çəkilmiş kult "Polis Akademiyası" (1984) komediyası olub. Filmin premyerası 8.6 milyon dollar (bu gün üçün 32 milyon dollar) gəlir gətirib. Nəticədə, film 82 milyon dollar (inflyasiya nəzərə alınmaqla 249 milyon dollar) toplayıb.