"32 yaşımda Ağdamdan çıxmışam, 64 yaşımda doğma torpağıma qayıdıram. Şükür bu günə!"
Oxu.Az xəbər verir ki, bu sözləri Ağdam şəhərinə qayıdan keçmiş məcburi köçkün Nizami Hacıyev deyib.
O bildirib ki, Ağdamdan çıxarkən könüllü olaraq "N" saylı hərbi hissədə xidmət edib:
"Mənim komandirim Allahverdi Bağırov olub. Çox çətinliklər yaşamışıq. Ən böyük arzum Qarabağa qayıdışı görmək idi. Mən üzərimə düşən vəzifəni yerinə yetirmişəm. Bu gün doğma Ağdama qayıtdığım üçün çox böyük sevinc hissi keçirirəm.
Allah şəhidlərimizə rəhmət eləsin, qazilərimizə cansağlığı versin. Şükür bu günə, Allah razı olsun".
Qaynar xətt:
(055) 224 12 12
