Dövlət Statistika Komitəsinin sədri Azər Mursaqulov sələfi Tahir Budaqovun bu vəzifədə olarkən imzaladığı bəzi qərarları ləğv edib.
Oxu.Az-ın məlumatına görə, bunlar aşağıdakılardır:
- "İnzibati məhkəmələrdə inzibati mübahisələrə baxılması haqqında" 2-5 №-li (yarımillik, illik) rəsmi statistika hesabatı forması və onun doldurulmasına dair göstəriş haqqında" Dövlət Statistika Komitəsinin (DSK) 2016-cı il 28 dekabr tarixli 23/09 nömrəli qərarı;
- "Birinci instansiya məhkəmələrində kommersiya mübahisələrinə baxılması haqqında" 2-a №-li (yarımillik, illik) rəsmi statistika hesabatı forması və onun doldurulmasına dair göstərişin təsdiq edilməsi barədə" Dövlət Statistika Komitəsinin 2023-cü il 11 yanvar tarixli 2/09 nömrəli qərarı;
- "Azərbaycan Respublikasının Ali Məhkəməsində kassasiya qaydasında kommersiya mübahisələrinə baxılması haqqında" 2-2b №-li (yarımillik, illik) rəsmi statistika hesabatı forması və onun doldurulmasına dair göstərişin təsdiq edilməsi barədə" Dövlət Statistika Komitəsinin 2023-cü il 11 yanvar tarixli 6/09 nömrəli qərarı;
- "Birinci instansiya məhkəmələrində inzibati xəta haqqında iş üzrə qərardan verilən şikayətlərə və ya protestlərə baxılmanın nəticəsi barədə" 3-1 №-li (yarımillik, illik) rəsmi statistika hesabatı forması və onun doldurulmasına dair göstəriş haqqında" DSK-nin 2016-cı il 28 dekabr tarixli 21/09 nömrəli qərarı:
- "Azərbaycan Respublikasının Ali Məhkəməsində kassasiya qaydasında inzibati mübahisələrə baxılması haqqında" 2-2a №-li (yarımillik, illik) rəsmi statistika hesabatı forması və onun doldurulmasına dair göstərişin təsdiq edilməsi barədə" Dövlət Statistika Komitəsinin 2018-ci il 12 oktyabr tarixli 34/09 nömrəli qərarı;
- "Apellyasiya məhkəmələrində inzibati mübahisələrə baxılması haqqında" 2-1a №-li (yarımillik, illik) rəsmi statistika hesabatı forması və onun doldurulmasına dair göstəriş haqqında" Dövlət Statistika Komitəsinin 2016-cı il 28 dekabr tarixli 22/09 nömrəli qərarı.
Həmçinin bəzi qərarlarda dəyişiklik edilərək müəyyən müddəalar ləğv olunub:
- "Birinci instansiya məhkəmələrində mülki işlərə baxılması haqqında" 2 №-li (yarımillik, illik) rəsmi statistika hesabatı forması və onun doldurulmasına dair göstərişin təsdiq edilməsi barədə" Dövlət Statistika Komitəsinin 2023-cü il 11 yanvar tarixli 1/09 nömrəli qərarının 1-ci və 2-ci hissələri;
- "Apellyasiya instansiyası məhkəmələrində mülki işlərə baxılması haqqında" 2-1 №-li (yarımillik, illik) rəsmi statistika hesabatı forması və onun doldurulmasına dair göstərişin təsdiq edilməsi barədə" Dövlət Statistika Komitəsinin 2023-cü il 11 yanvar tarixli 3/09 nömrəli qərarının 1-ci və 2-ci hissələri;
- "Cinayətin növləri üzrə məhkumların sayı haqqında" 10-a №-li (yarımillik, illik) rəsmi statistika hesabatı fоrmаsı və onun doldurulmasına dair göstərişin təsdiq edilməsi barədə" Dövlət Statistika Komitəsinin 2017-ci il 11 oktyabr tarixli 23/09 nömrəli qərarının 1-ci və 2-ci hissələri;
- "Birinci instansiya məhkəmələrində baxılmış inzibati xətalar haqqında işlər barədə" 3 №-li (yarımillik, illik) rəsmi statistika hesabatı forması və onun doldurulmasına dair göstəriş haqqında" Dövlət Statistika Komitəsinin 2016-cı il 28 dekabr tarixli 20/09 nömrəli qərarının 1-ci və 2-ci hissələri;
- "Azərbaycan Respublikasının Ali Məhkəməsində kassasiya qaydasında mülki işlərə baxılması haqqında" 2-2 №-li (yarımillik, illik) rəsmi statistika hesabatı forması və onun doldurulmasına dair göstərişin təsdiq edilməsi barədə" Dövlət Statistika Komitəsinin 2023-cü il 11 yanvar tarixli 5/09 nömrəli qərarının 1-ci və 2-ci hissələri.
Qeyd edək ki, Tahir Budaqov 2015-2026-cı illərdə DSK-nin sədri olub. Prezident İlham Əliyevin 9 fevral tarixli Sərəncamı ilə Tahir Yaqub oğlu Budaqov Dövlət Statistika Komitəsinin sədri vəzifəsindən azad edilərək Nəsimi Rayon İcra Hakimiyyətinin başçısı təyin edilib.
Dövlət başçısının 10 fevral 2026-cı il tarixli Sərəncamı ilə isə Azər İsmayıl oğlu Mursaqulov Dövlət Statistika Komitəsinin sədri təyin olunub.
Fotoda Azər Mursaqulov
Məlik Məlikov
