“Sumqayıt” dəmiryol stansiyası fəaliyyətini qrafik üzrə davam etdirir”.
Bunu Oxu.Az-ın sorğusuna cavab olaraq “Azərbaycan Dəmir Yolları” QSC-nin mətbuat katibi Sənubər Nəzərova bildirib.
O qeyd edib ki, bu gün səhər saat 07:20 - 07:40 arası Sumqayıt sərnişin stansiyasına şəhər enerji şəbəkəsindən daxil olan elektrik enerjisinin verilməsində qısa kəsintilər yaranıb:
“Bu səbəblə stansiyada istismar olunan turniketlərin işində fasilələr yaranıb. Mənzilbaşına vaxtında çatmaları üçün sərnişinlərin qatarlara buraxılması qeydiyyatdan kənar təmin edilib. Hazırda “Sumqayıt” dəmiryol stansiyası fəaliyyətini gündəlik qrafik üzrə davam etdirir”.
08:44
“Sumqayıt” dəmiryol stansiyasında turniketdə yaranan texniki problemi aradan qaldırmaq mümkün olmayıb.
Oxu.Az xəbər verir ki, dəmiryol işçiləri yaranan problemlə bağlı ətraflı məlumat vermədikləri üçün bu, sərnişinlərin narazılığına və etirazına səbəb olub.
Nəticədə dəmiryol əməkdaşları sərnişinləri turniketin kənarından buraxmağa məcbur olublar. Bu səbəbdən də 07:55 qatarında həddən artıq sərnişin sıxlığı yaranıb.
08:17
“Sumqayıt” dəmiryol stansiyasında turniketlər işləmir.
Oxu.Az xəbər verir ki, bu səbəbdən onlarla insan platformaya keçə bilmir.
Dəmiryol əməkdaşının bildirdiyinə görə, turniketlər texniki səbəbdən sərnişinlərin kartlarını oxuya bilmir.
Bu səbəbdən 07:35 qatarına çatmağa çalışan sərnişinlər uzun müddət gözləmək məcburiyyətində qalıblar.
Könül Cəfərli
