Qaradağda itləri güllələyən şəxs müəyyən olunub və polis əməkdaşlarının keçirdiyi tədbirlərlə saxlanılıb.
Bu barədə Oxu.Az-ın sorğusuna cavab olaraq Daxili İşlər Nazirliyinin (DİN) Mətbuat Xidmətinin əməkdaşı Nurlan Əliyev deyib.
O bildirib ki, hazırda müvafiq polis orqanında təhqiqat araşdırması aparılır:
“Vətəndaşın üzərində olan silahın tir tüfəngi olması məlum olub. Hazırda müvafiq polis orqanında təhqiqat araşdırması aparılır. Araşdırmanın nəticəsindən asılı olaraq əmələ hüquqi qiymət veriləcək”.
17:22
Abşeron rayonunun Qobu qəsəbəsində itlərin güllələndiyi iddia edilib.
Bu barədə görüntülər sosial şəbəkələrdə yayılıb.
Belə ki, qəsəbə sakinləri iddia ediblər ki, bir neçə şəxs günorta saatlarında uşaqların gözü qarşısında sahibsiz itləri güllələyiblər.
Sakinlər buna etiraz ediblər və məsələ barədə tədbir görülməsini istəyiblər.
