Sərbəst güləş millimiz Avropa üçüncüsü oldu - FOTO

Sərbəst güləş millimiz Avropa üçüncüsü oldu - FOTO

İspaniyanın Pontevedra şəhərində keçirilən gənc güləşçilərin Avropa çempionatına yekun vurulub.

Oxu.Az xəbər verir ki, sərbəst güləş üzrə yığmamız komanda hesabında üçüncü yeri tutub. 

115 xal toplayan millimizi ikinci yerdəki Moldovadan cəmi bir xal ayırıb. Rusiya isə 205 xalla Avropa çempionu olub.

Xatırladaq ki, komandamızın heyətində Turan Bayramov (-65 kq) və Abubakr Abakarov (-79 kq) qızıl, Asxab Həmzətov (-92 kq) gümüş, İslam Abuyev (-125 kq) isə bürünc medal qazanıb.

Səbuhi MUSAYEV