Qətər Qəzza üzrə razılaşmanın yekun layihəsini İsrailə və HƏMAS-a təhvil verib

Qətər İsrail və Fələstin HƏMAS hərəkatının nümayəndələrinə Qəzza zolağında atəşkəs rejiminin tətbiqi və radikallar tərəfindən saxlanılan israilli girovların azad edilməsinə dair sazişin yekun layihəsini təhvil verib.

Oxu.Az-ın xəbərinə görə, bu barədə "Reuters" nəşri mənbəyə istinadən məlumat verib.

Agentliyin mənbəsinin məlumatına görə, yanvarın 12-də axşam Qətərin hökumət başçısı və xarici işlər naziri Məhəmməd bin Əbdür-Rəhman ət-Tani İsrailin "Mossad" kəşfiyyat xidmətinin rəhbəri David Barnea və ABŞ-nin yeni seçilmiş Prezidenti Donald Trampın Yaxın Şərqdə xüsusi nümayəndəsi Stiven Uitkoffla danışıqlar aparıb.

Mənbə bildirib ki, gecəyarısından sonra Dohada keçirilən məsləhətləşmələr zamanı irəliləyiş əldə edilib.

Qətər Qəzza üzrə razılaşmanın yekun layihəsini İsrailə və HƏMAS-a təhvil verib