Əməkdar artist Aygün Hümmətovanın (Bəylər) nəşi Suraxanı rayonundakı ata evinə gətirilib.
Oxu.Az-ın məlumatına görə, onun nəşi bu gün Türkiyədən təyyarə ilə ölkəmizə gətirilərək Suraxanı rayonundakı qəbiristanlıqda yuma yerinə aparılıb.
Qeyd edək ki, Aygün Bəylərlə vida mərasimi sabah keçiriləcək.
18:24
Əməkdar artist Aygün Bəylərin yaxınları, ictimaiyyət və media nümayəndələri Suraxanı qəsəbəsindəki ata evində onun nəşinin gətiriləcəyini gözləyirlər.
Oxu.Az-ın məlumatına görə, onun nəşi Türkiyədən təyyarə ilə gətirilərək Suraxanı rayonundakı qəbiristanlıqda yuma yerinə aparılıb.
Baku TV Aygün Bəylərin ata evindən canlı yayıma bağlanıb:
Aygün Bəylərin nəşi ata evinə gətirildi - YENİLƏNİB + FOTO/VİDEO
12:52
“Dünən Türkiyənin Ankara şəhərində müalicə aldığı xəstəxanada vəfat edən Əməkdar artist Aygün Bəylərin cənazəsinin Azərbaycana gətirilməsi ilə bağlı sənədləşmə işləri yekunlaşıb”.
Bununla bağlı Oxu.Az-ın sorğusuna cavab olaraq Mədəniyyət Nazirliyindən məlumat verilib.
Bildirilib ki, Aygün Bəylərin cənazəsini gətirən təyyarə yaxın saatlarda xüsusi reyslə Ankaradan Bakıya yola düşəcək:
“Vida və dəfn məsələlərinə Bakıya çatdıqdan sonra əlavə məlumat veriləcək. Təyyarə Türkiyə vaxtı ilə saat 14:00-da (Azərbaycan vaxtı ilə saat 15:00-da - red.) Bakıya yola düşəcək”.
Xatırladaq ki, uzun müddətdir, onkoloji xəstəlikdən əziyyət çəkən sənətçi dünən gecə Türkiyədə vəfat edib.
Könül Cəfərli, İlhamə Əbülfət
Rəylər