Ən son xəbərləri bizim "X" səhifəmizdə izləyin
Dərmanların farmakonəzarət sənədləri ilə bağlı ekspertiza xidmətlərinin tarifləri təsdiqləndi
Dərman vasitəsi dövlət qeydiyyatına alındıqdan sonra təqdim edilən farmakonəzarət sənədləri ilə bağlı ekspertiza xidmətlərinin tarifləri tənzimlənib.
Oxu.Az xəbər verir ki, bununla bağlı məsələyə Tarif Şurasının bugünkü iclasında baxılıb.
Qeyd olunub ki, tariflərin dərman vasitələrinin qiymətlərinə təsiri gözlənilmir. Çünki farmakonəzarət sənədləri ilə bağlı ekspertiza xidmətlərinə görə tariflərin ödəyiciləri dərman vasitələrinin istehsalçıları və ya idxalçılarıdır.
Eyni vəsiqə sahibinə münasibətdə təsiredici maddə əsas götürülməklə Azərbaycanda dövlət qeydiyyatı olan dərman vasitəsinin fərqli dozaları və fərqli formaları nəzərdə tutulur.
Qərar mayın 1-də qüvvəyə minəcək.
Xatırladaq ki, Nazirlər Kabinetinin "Dərman vasitələrinin farmakonəzarət Qaydası"nda dəyişiklik edilməsi haqqında" Qərarı ilə dərman vasitələrinin qeydiyyat müddəti ərzində də farmakonəzarət sənədlərinin ekspertiza xidmətlərinin həyata keçirilməsi, həmin sənədlərin təqdim edilməsi üzrə müddətin hesablanması, dövrülüyü və digər məsələlərlə əlaqədar dəqiqləşmələr və əlavələr edilib.
Dərman vasitəsi dövlət qeydiyyatına alındıqdan sonra təqdim edilən farmakonəzarət sənədləri ilə bağlı ekspertiza xidmətlərinin tarifləri aşağıdakı kimidir:
| № | Xidmətlərin adı | Ölçü vahidi | Tarif Manat (ƏDV-siz) | |
| I | II | III | IV | |
| 1. | Orijinal dərman vasitələri | |||
| 1.1. | Dövri olaraq yenilənən təhlükəsizlik hesabatı sənədlərinin (DYTH) ekspertizası | 1 ədəd | 400 | |
| 1.1.1. | Hər əlavə doza* | 1 ədəd | 50 | |
| 1.1.2. | Hər əlavə forma* | 1 ədəd | 50 | |
| 1.2. | Risk idarəetmə planı sənədlərinin (RİP) ekspertizası | 1 ədəd | 300 | |
| 1.2.1. | Hər əlavə doza* | 1 ədəd | 50 | |
| 1.2.2. | Hər əlavə forma* | 1 ədəd | 50 | |
| 2. | Generik dərman vasitələri | |||
| 2.1. | Dövri olaraq yenilənən təhlükəsizlik hesabatı sənədlərinin (DYTH) ekspertizası | 1 ədəd | 360 | |
| 2.1.1. | Hər əlavə doza* | 1 ədəd | 50 | |
| 2.1.2. | Hər əlavə forma* | 1 ədəd | 50 | |
| 2.2. | Risk idarəetmə planı sənədlərinin (RİP) ekspertizası | 1 ədəd | 280 | |
| 2.2.1. | Hər əlavə doza* | 1 ədəd | 50 | |
| 2.2.2. | Hər əlavə forma* | 1 ədəd | 50 | |
| 3. | Farmakonəzarət sisteminin əsas dosyesinin (FSƏD) ekspertizası | 1 ədəd | 620 |
"Dərman vasitələri" teqi üzrə xəbərlər
- Dərmanların qiymətləri ilə bağlı Tarif Şurasından MÜHÜM QƏRAR
- Uşaqlıqda antibiotiklərin təsiri diabetə səbəb ola bilər: Alimlərdən xəbərdarlıq
- Dünyanın ən çox xəstələnən əhalisi - Dərman preparatlarının 70 faizini amerikalılar alırlar
- Dərmanlar apteklərə çatdırılana qədər tərkibləri necə təhlil olunur?
- Aytən Əliyeva: "Revmatoloji xəstəlik insanların həyati fəaliyyətinə çətinlik yaradan amildir"
Ən çox oxunanlar
