Dövlət Komitəsinin sədri Ümumdünya Şəhərsalma Forumundan DANIŞDI

"Ümumdünya Şəhərsalma Forumu dünyanın bu sahədə ən böyük beynəlxalq tədbiridir".

Oxu.Az xəbər verir ki, bu sözləri jurnalistlərə açıqlamasında Dövlət Şəhərsalma və Arxitektura Komitəsinin sədri Anar Quliyev deyib.

O bildirib ki, forum iki ildən bir keçirilir:

"2026-cı ildə Bakı bu foruma ev sahibliyi edəcək. Hazırda BMT-nin müvafiq ixtisaslaşmış təşkilatı ("UN-Habitat") məskunlaşma üzrə cavabdeh agentliyidir. Bu təşkilatla sıx iş aparılır, həm tədbirin təşkili ilə bağlı yeni inzibati məsələlərin müzakirəsi gedir və təbii ki, tədbirin proqramı, məzmunu və iştirakçılarla bağlı ilkin hazırlıq işləri görülür. Bu, BMT tərəfindən təşkil olunan ikinci ən böyük tədbirdir".

Aygün Mirakif