Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti işğaldan azad edilmiş ərazilərdə tarix və mədəniyyət abidələrinə dəymiş ziyanla bağlı geniş monitorinq keçirib.
Oxu.Az-ın məlumatına görə, bu barədə Qobustan Milli Tarixi-Bədii Qoruğuna mediatur zamanı jurnalistlərə dövlət xidmətinin şöbə rəhbəri Səbuhi Bəşirov məlumat verib.
Onun sözlərinə görə, ümumilikdə 434 abidə zərər görüb.
"Abidələrdən 68-i tamamilə, 114-ü qismən dağıdılıb. Təxminən 30 il davam edən erməni işğalı dövründə Azərbaycanın mədəni irsinə dəymiş maddi ziyan 700 milyon manatdan çoxdur. Bu məlumat beynəlxalq təşkilatlara da göndərilib. Hazırda bununla bağlı işlər aparılır", - deyə o bildirib.
Rufina Abdullayeva
