Vitamin, yoxsa zəhər? - Vaxtından əvvəl yetişdirilən meyvələrin TƏHLÜKƏLƏRİ

Yaz gələr-gəlməz bazarların və bir çox iri marketlərin piştaxtalarında vaxtından əvvəl yetişdirilən meyvələr, giləmeyvələr yer almağa başlayıb.

Oxu.Az ATV-yə istinadən xəbər verir ki, daha çox gözəçarpan çiyələk həm çəkisinə həm də qiymətinə görə diqqət çəkir.

Əsasən Şəmkir və Cəlilabaddan gətirilən məhsulun kiloqramı 3 manat 50 qəpiyə təklif olunur.

Satışa çıxarılan çiyələklər ənənəvi çiyələklərdən bir neçə dəfə böyük olur. Heç kəsə sirr deyil ki, bu növ çiyələklər xüsusi istixanalarda kimyəvi tərkiblərlə bəslənərək bazarlara çıxarılır.

Qida eksperti Məhsəti Hüseynovanın sözlərinə görə, bu meyvələrin yetişdirilməsində istifadə olunan süni işıq və istilik, həmçinin kimyəvi dərmanlar onun vitamin dəyərini aşağı salır.

Xüsusilə də azyaşlılarda və immun sistemi aşağı olan şəxslərdə daha ağır nəticələrlə - allergiya, qaşıntı, səpgi və həzm problemlərinə gətirib çıxarır.

Ətraflı süjetdə:

Vitamin, yoxsa zəhər? - Vaxtından əvvəl yetişdirilən meyvələrin TƏHLÜKƏLƏRİ